Hitz elkartuen osaerari dagozkion adibideak aztertu ditugu orain arteko ariketen bitartez. Orain hitz elkartuen idazkeran zalantza-iturri den ezaugarri bat aztertuko dugu: marraren erabilera. Hitz elkartu mota batzuk marraz idazten dira beti; halakoa da elkartu elkarren osagarrien kasua (adib. 'izen-deiturak'); elkartutzat har daitezkeen beste konposatu batzuk, berriz, marra gabe idazten dira beti; aditz-lokuzioak dira horren adibide (adib. 'arreta eman', 'aintzat hartu', 'lan egin'); eta beste elkartu mota batzuk, azkenik, marraz edo marra gabe idatz daitezke, kasuaren arabera. Hala gertatzen da mendekotasun-elkartuen kasuan; hain zuzen, zientzia-testuetan sarrien agertzen diren hitz elkartuak. Horrelako adibideak ikusiko ditugu orain.

Oro har, marraz nahiz marra gabe idatz daitezke mendekotasun (izen) elkartuak, eta horren adibide dira honakoak, bat izan ezik. Hauetatik zein EZ DA idatzi behar marraz?